పరషత్ పీనెహాసు లో, హెఫెరు కుమారుడైన సెలోపెహదు కుమార్తెల వింతైన కథను మనం నేర్చుకుంటాము.
సెలోపెహదు అనే వ్యక్తికి కుమార్తెలు మాత్రమే ఉన్నారు, అతనికి కుమారులు లేరు, మరియు అతను మోషే కాలములో ఎడారిలో నివసించాడు.
తోరా ప్రకారం, వారసత్వ స్వాస్థ్యం పురుషులకు చెందుతుంది, స్త్రీలకు కాదు, ఇది అర్ధవంతంగా ఉంటుంది. పురాతన కాలంలో, ప్రధానంగా భూమిని వారసత్వంగా పొందుకొనేవారు, దానిని సేద్యం చేయాల్సిన అవసరం ఉంది. భూమిలో ఎలా పని చేయాలో పురుషులకు తెలుసు కానీ మహిళలకు తెలీదు. అందువలన, ఒక కుటుంబం లోని వారసత్వం తరువాతి తరానికి వెళ్ళి, వారు ఆ కుటుంబాన్ని పోషించాల్సివునప్పుడు, వారసత్వం అనేది సహజంగానే పురుషులకు చెందుతుంది, స్త్రీలకు చెందదు. కానీ సెలోపెహదుకు కుమార్తెలు మాత్రమే ఉన్నారు. వారు మోషే గారి వద్దకు వచ్చి తమ తండ్రి వారసత్వ స్వాస్థ్యం గురించి అడిగడం జరిగింది.
సెలోపెహదు కుమార్తెల కథ ఫలితంగా, ఒక కొత్త చట్టం స్థాపించబడింది. ఒక వ్యక్తికి కుమారులు లేనప్పుడు, అతని కుమార్తెలు అతనికి వారసులుగా ఉండాలని తీర్పు ఇవ్వబడింది. ఇది ఈనాటి వరకు ఇశ్రాయేలు ప్రజలలో చట్టంగా ఉంది.
ఈ కథలోని ప్రత్యేకత ఏమిటంటే, ఈ ఆదేశం పరిశుద్ధుడైన దేవువుని నుండి మోషేకు నేరుగా రాలేదు, కానీ సెలోపెహదు కుమార్తెలు ఈ సమస్యను లేవనెత్తిన తరువాత మాత్రమే వచ్చింది. దేశం లేదా దేశములోని ప్రజలు చొరవ తీసుకొని ఒక సమస్యను లేవనెత్తిన తరువాత మాత్రమే మోషే గారు స్తుతి పాత్రుడైన దేవుని నుండి పరిష్కారం విన్నాడని తోరా సాక్ష్యం ఇచ్చిన అనేక సమస్యల పరంపరలో ఇది చేరుతుంది.
సెలోపెహదు కుమార్తెల ఈ అతి ముఖ్యమైన వ్యాజ్యము, పరాషత్ బెహలోత్కలో అపవిత్రత కలుగుట వలన పస్కా బలి సమర్పించలేని పురుషుల కథనం కోవకు చెందుతుంది. స్తుతిపాత్రుడైన దేవునిని మోషే గారు తాను ఏమి చేయాలి అని అడిగినప్పుడు దేవుడు రెండవ పస్కా గురించి చెప్పడం జరిగింది. అదేవిధంగా ఎలియాజరు కుమారుడైన పీనెహాసు, సాలూ కుమారుడైన జిమ్రీకి వ్యతిరేకంగా వ్యవహరించిన కథలో మోషే గారికి ఖచ్చితంగా ఏమి చేయాలో తెలియదు. కాని పీనెహాసుకు అది తెలుపబడింది.
ప్రజల చొరవ వలన పరిష్కారం చూపబడిన ఇటువంటి ఇతర ప్రశ్నలు కూడా వున్నట్లు మనం చూస్తాము. ఆతరువాతే, పరిశుద్ధుడు స్తుతిపాత్రుడైన దేవుడు, మోషే గారికి పరిష్కారాన్ని వెల్లడించడం జరుగుతుంది. ఏదైనా విషయములో అవగాహనను కోరడంలో ప్రజల పాత్ర యొక్క విలువను మరియు వారి ప్రశ్నలకు దైవిక ప్రతిస్పందనలను ఇది నొక్కిచెబుతుంది.
వీటన్నింటికీ అర్థం ఏమిటి? దీని అర్థం తోరా రెండు మార్గాల ద్వారా వెల్లడిచేయబడుతుంది. పైనుండి మోషే ద్వారా ఒక ప్రత్యక్ష మార్గం, అనగా మన గురువు, రబ్బీ అయిన మోషే గారి ద్వారా, అలాగే దిగువన ప్రజలనుండి కూడా తోరా వెల్లడిచేయబడుతుంది.
మోషే గారికి వెంటనే సమాధానం తెలియని వ్యాజ్యాలన్నిటి సాధారణ సారూప్యత గురించి మనం లోతుగా పరిశోధించాము. ఈ విధానములో, వారందరూ ఒక విధంగానో మరొక విధంగానో యోసేపుతో సంబంధం కలిగిఉన్నారు. యాకోబు కుమారుడైన యోసేపు, అతని వారసులు ఈ ప్రశ్నలు అడుగుతున్నారు. దైవ సంకల్పాన్ని తెలుసుకోవాలంటే మనం రెండు దిశలలో వినాలి అని దీని నుండి అర్ధమౌతుంది: పై నుండి క్రిందికి, అలాగే ప్రజల ద్వారా క్రింది నుండి పై వరకు పనిచేసే దైవిక వాక్యాన్ని కూడా వినాలి. ప్రజలకు కొంత జ్ఞానం ఉంది, వారిలో దైవిక పరిశుద్ధాత్మ నివశిస్తుంది. ఇది కొన్నిసార్లు మనకు ధర్మన్ని విధిని బోధిస్తుంది.
